وصفة بريوش بكريمة الباتيسيار
المقادير
500 غ فربنة
ملعقة كبيرة خميرة الخبز
4 ملاعق كبار سكر عادي
3 ملاعق كبار زيت
مبشور الليمون
او فانيليا
حبة بيض
كيس خميرة حلوى
كاس حليب حسب العجينة
طريقة التحضير
نحط رطل فرينة (500غ)+مغرف كبيرة خمارة الخبز + 4مغارف سكر +3مغارف زيت + قشور الليمون او لفاني او عطر الليمون + حبة بيض + كيس خمارة الحلوة ونلم بالحليب الدفيء حتى تولي عجينة طرية انا داتلي حوالي كاس حليب دافيء ويبقى الحليب حسب نوعية الفارينة كاين الي تشرب كاين الي لالا نغطيها ونخليها تخمر ثم ندخل فيها مغرف زبدة طرية ندخلها مليح فيها ونزيد نخلبها تخمر مرة ثانية ثم نحلها ونطبعها كيما في الصورة مانحلهاش رقيقة ونحطهم في سنيوة مدهونة بالزيت ونخليهم يخمرو ثم ندهنهم بصفار بيض مخلط مع قطرات من عطر الليمون وندخلهم للفرن مسخن مليح حتى يحمارو نخرجهم نخليهم يبىدو ثم نقسم كل حبة على زوج ونحشيها بكرام با تيسيار ونزين بخطوط من السكولة ونرش رشة خفيفة سكر قلاص ويبقى التزيرن اختياري
كرام باتيسيار نحط في كسرولة نصف لتر حليب +2صفار بيض + 3مغارف كبار مايزينة +4مغارف سكر + فانيلا نخلط بارد في بارد ثم نحطها على النار ونخلط حتى تخثر نطفي ونضيفلها لفاني ومغرف زبدة ونخلط مليح ثم نغطيها بالبابي سلوفان يكون ملامس لسطح الكريمة باش ما ديرش القشرة ونخليها تبرد
